• home
• Meryl
• Foto
• Audio
• Video
• Contatti

Poesie napoletane

Scegli una poeta per leggere le sue poesie.

Si overo more 'o cuorpo

Si overo more 'o cuorpo sulamente
e ll'anema rinasce 'ncuorpo a n'ato,
i' mo so' n'ommo, e primma che so' stato?
na pecora, nu ciuccio, nu serpente?

E doppo che sarraggio, na semmenta?
n'albero? quacche frutto prelibbato?
Va trova addò starraggio situato:
si a ssulo a ssulo o pure 'mmiez' 'a ggente.

Ma i' nun 'e faccio sti raggiunamente:
i' saccio che songh'io, ca so' campato,
cu tutt' 'o buono e tutt' 'o mmalamente.

E pe' chello che songo sto appaciato:
ca, doppo, pure si  nun songo niente,
sarraggio sempe n'ommo ca so' nato.